Дўстга жўнатиш   Когозга чикариш

Болалар жанжаллашмаслигини истайсизми? Унда улар бир-бирини ҳурмат қилишларига ўргатинг. Ўзаро аҳил-иноқ бўлиб яшашларига ўз ҳиссасини кўшишлари учун оиланинг кичик аъзосига баъзи бир оддий нарсаларни ўргатиш зарар қилмайди:

Кичкинтойингизга агар унинг акаси ёки опаси жаҳли чиқиб турган бўлса, уни ўз хонасида холи қолдириб, индамай чиқиб кетишини маслаҳат беринг. Ҳар бир инсон турли ҳиссий кечинмага эга бўлишга ҳақлилигини ва баъзида уларни бир муддат ёлғиз қолдириш яхши эканлигини гўдакка тушунтиришга ҳаракат қилинг. Афсуски, кўп ҳолларда тескариси бўлади – кичкинтой акасининг жиғига тегаверади, акасининг аччиғи чиқади, гўдак шикоят қилиш учун югуради, охир-оқибат муносабатлар янада чигаллашади.

Агар гўдак ҳақиқатдан ҳам айбдор бўлса, унга “Кечир!”дейишни ўргатинг: мисол учун, опаси ёки акасининг нарсаларини остин-устин қилганида, ниманидир сўрамасдан олиб, ўрнига қўймаганида. Чунки болалар ўртасидаги тортишувнинг асосий сабаблари уларнинг шахсий ҳудудларига ва буюмларига тегишга бориб тақалади.
Кичкина мулкка эга кичкинтойлар “Бу ҳаммаси меникиииии!” деб қичқиришни яхши кўришади, бунинг натижасида катта болалар, албатта, хафа бўлишади. Гўдагингизга баъзида хурсандчиликни бошқалар билан, айниқса акаси ёки опаси билан баҳам кўриш яхшилигини тушунтиринг.

Шунингдек, катта ёшли ака-опаларга ҳам бир неча маслаҳатлар зарар қилмайди:
уларга ўзларининг кичик ука ёки синглиси ёшида қандай бўлишганини гапириб беринг, укаси ўзини неча бундай тутаётганини изоҳланг ва илтифотлироқ бўлишни маслаҳат беринг. Ўзларининг катта бўлиб қолганликларини ва ҳар қандай келишмовчиликни бартараф эта олишига урғу беринг.

Тўнғичингизнинг ўз шахсий ҳудуди учун ва шахсий буюмларидан фойдаланишдаги ўрнатган қоидасини қўллаб-қувватланг. Катта болангизни у илгарироқ туғилгани учун кичигининг инжиқликларига чидаши кераклигини айтиш адолатдан эмас.

Акаси ёки опасига укаси устидан куч ёрдамида тазйиқ ўрнатмаслиги кераклигини, масалани бошқача йўл билан ҳал этиш учун етарли фаросатга эга эканлигини айтинг. Ҳақиқий ғалаба – бу ҳеч кимнинг хафа бўлиб қолмаслигидир.

Муаллиф: Юлия Малкова
Манба: dytyna.info/